✍️ الخسارة في الكريبتو… مش قضية أرقام، قضية نفسية قبل كل شيء

1️⃣
من أكثر القصص الحزينة في الكريبتو كانت في أغسطس 2024…
يوم حقق البتكوين قاعه وبدأ يعكس للأعلى
كانت أول قمة له في الدورة الجديدة عند 73K
ثم رجع حقق قاع أغسطس
وفي ناس وقتها كانوا يروّجون بتغريدات:
"اخرج على خسارة 90%… البتكوين رايح للثلاثينات… بيع عملاتك واشترِ من تحت."

وش اللي صار؟
ما نزل للثلاثينات…
طلع وسوى قمة جديدة فوق 90,000.
هذي اللحظة ضاعت على اللي باعوا بخسارة.

2️⃣
الغريب؟
بعد ما صعد السوق بشدة…
بدأوا نفس الأشخاص يروّجون للشراء!!!!

كان عندنا صعود نوفمبر وقتها
وهم يتكلمون بعد خروج في نفس المنطقة أساسًا
طيب اللي باع على خسارة –90% وقتها…
ورجع يدخل مرة ثانية…
إيش وضعه الآن؟

3️⃣
الشهر الماضي تكرر السيناريو
ناس كثير روّجوا للخروج على خسارة…
وأنا أعـرف أن خسارة أغلب الناس تجاوزت 90% للمرة الثانية
لأن النزول كان كبير بعد نزول فبراير الماضي وأكتوبر.

اللي يقولك: “اطلع على خسارة عشان توفّر نزول 25%”
ما يفهم الجانب النفسي أبدًا.

4️⃣
خلنا نكون واقعيين…
إذا دخلت بـ 100,000 ريال وصار رصيدك 3,000 ريال:
كيف بتعوّض 100,000 مرة ثانية؟
حتى لو كنت ذكي وتحلل “خارج الصندوق”.

ولو كلمت الشخص اللي نصحك بالخروج وقال لك:
“طلعتك وفرت عليك نزول 25%”
وبتحاول تفهم منه كيف تعوض…
بيعطيك لف ودوران وبالنهاية بلووك.

5️⃣
لكن لو صبرت…
وأنت تعرف إن عملتك مشروع ممتاز…
حتى لو أخذت 6 أشهر أو سنة عشان ترجع رأس مالك
مع الوقت بيصير عندك ربح
ونفسيتك بتكون ثابتة وقوية.

أما اللي يبيع على خسارة –90%،
ويصير معه كاش قليل جدًا (3% أو 7%)…
يدخل في حالة توتر عالي:
إيش يشتري؟
وين يدخل؟
هل ينتظر؟
ولا يدخل غلط ويرجع يبيع بخسارة؟
وتتكرر الدوامة… وتتلاشى الفلوس بالكامل.

6️⃣
الخلاصة:
الموضوع نفسي أكثر مما هو فني
الخسارة الكبيرة تكسر عقلية اتخاذ القرار
والخروج على خسارة مو دائمًا “حل”
لأن التحدي الحقيقي مو إنك تطلع…
التحدي الحقيقي:
هل تقدر ترجع وتشتري وتكمل؟

90% من الناس ما يقدرون.

وعشان كذا…
أنا أقولها باختصار:
الخروج على خسارة كبيرة = تحدي نفسي مستحيل تعويضه عند أغلب المتداولين إلا إذا حصلت معجزة 50x وضرب الحظ معك.

أتمنى الخير للجميع والإبتعاد عن الخسارة ❤️